في ليله مطر و في غرفه ضيقه و النفس شايله و مخنوقه والناس بعيده و مشغوله و الوحده صعبه و اقرب الناس بعيده و محدش حاسس بالي في الصدور و النفوس و القلب حمله زايد و الهموم بتزيد و العقل محتار و الدنيا تكون اضيق من خرم ابره ....فجأه ياذن الاذان و صوت الله اكبر يعلى فوق كل صوت و القلب يكبر و يتشاهد و يسبح بحمده فجأه تزول الهموم و تزول الغيوم و يطلع نهار فجر جديد يمكن متحلتش المشكله يمكن الهم استخبى و مهربش يمكن كل حاجه حترجع زي ماكانت و اصعب بس لحظة الصفا و الهدوء تستاهل نعيش عشانها يوم تاني و فجر تاني ....يااااااارب
انتظار مؤقت اي حد في اي وقت بيعدي من مرحله لمرحله بين المرحلتين بيكون في انتظار مؤقت خروج من مرحله و دخول في مرحله لكن في ناس بتعيش بين المراحل لا تقدر ترجع مرحله و لا تقدر تتنقل مرحله و تفضل حياتها كلها في حالة انتظار مؤقت