.0.jpg)
على اسم مصر
التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر
صلاح جاهين
2 comments:
الساعة واحده باليل
وانا قاعد علي شط النيل
راضي ببختي ولو انه قليل
وبشوف مراكب
فيه مركب راكبله ماتور
ومركب راكبله شراع
وفيه راكب شغال دكتور
وفي واحد سواق حنطور
وانا قاعد علي شط النيل
راضي ببختي ولو انه قليل
وفي ناس راكبه معديه
وورايه ناس رايحة وجايه
وفي ناس اهيه مستنيه
والمطر نازل زي السيل
وانا قاعد علي شط النيل
راضي ببختي ولو انه قليل
المطر نازل علي راسي
واتبللت كل الكراسي
وانا فاكر أنا مش ناسي
اني دخلت فنص الليل
وانا قاعد علي طش النيل
راضي ببختي ولو انه قليل
وفجأة سمعت صياح الديك
والناس فتحت الشبابيك
والخيل انجلدت بالكرابيك
واهيه صابرة والصبر جميل
وأنا قاعد علي شط النيل
راضي ببختي لو انه قليل
( انتظروا الباقي (
( العنيد)
مصر ام الدنيا
Post a Comment