المكان \مطار القاهره
الزمان\ 17 \10\2004
تالت يوم رمضان افتكر كان كده اليوم ده كان يوم ايه في الاسبوع مش فاكر الساعه خمسه و نص فاضل دقايق على الادان مفيش زحمه اوي على كاونتر الوزن في نوع من الهدوء غريب على مطار القاهره ممكن الكرسي الي مفيش قدامه حد بكل ادب رد الموضف الي على الكاونتر حاضر معلش اصل انا طويل حبتين و مبقدرش اتني رجلي كتير ده غير غلاسة الي ممكن يقعد قدامك و يرجع ضهر الكرسي للاخر و تفضل مزنوق طول الرحله خلصت الكاونتر بهدوء ناحية الجوازات على فين انشاءالله ..الكويت ختمت الجواز ختم المغادره اتغير مطار القاهره من جوه عن الاول بكتير انا دخلتو كتير اوي من و انا طفل بس يفضل في حاجات مبتتغيرش الكافتريا بتاعة صالة السفر زي ما هيه نفس الموضفين و طريقة التعامل و فنجان الشاي الي بخمسه جنيه بس المطار نظف عن الاول بكتير عندي دايما فظول غريب ابص في وشوش الناس الي مسافره و افضل اتمشى و احرق في سجاير زي ما تكون اخر مره حشرب سجاير فيها بس عملو غرفة المدخنين الي بتيقلي الغرض الحقيقي منها انك تبطل سجاير مدخنه بجد عموما انا لازم اعمل شوية تلفونات قبل ما اطلع الطياره حكلم اختي و ناس كتير اطمنهم انو كلو تمام و اني اول ما حوصل حبعتلهم رقمي و كده يعني دماغي بتلف و قلبي مقبوض من السفريه دي .....اصل الحكايه انا عشت في الكويت عمر بحالو بس خلصت ثانوي و على مصر و الجامعه و بعدين اتخرجت و اشتغلت محامي تحت التمرين بميت جنيه عقبال عند كو ودي قصه تانيه خالص المهم اهل العبدلله مقتنعوش ان في مستقبل لاي حد شاب في مصر و عنها صدروني على اول طياره مع ان انا ليه تجارب قبل كده في الكويت و الامارات و اماكن تانيه و دي قصه تانيه خالص المهم متوفقتش اوي بس القرار كان ملزم عشان انا كان في اتفاق بيني و بينهم اني ادي مصر فرصه و قعدت كام سنه و مصر مبينتش اي كرامه مع العبدلله خصوصا اني محامي و دول على قفا مين يشيل و علاقات عاطفيه فاشله و قهواي للفجر و كوفي شوبات غاليه و رخيصه و قربت اشرب بانجو فكانت النتيجه السفر لبلاد البترول بلاد بتركب البورش و الهمر الخلاصه انا اهو في المطار زي العبيط لا عارف جي منين و لا رايح فين بس سلمتي امري لله و خلاص انا في المطار و فاضل نص ساعه و نطلع الطياره لازم اروح ناحية البوابه بس اشرب علبة سجاير الاول و بعدين اروح اركب الطياره و كنت فاكر ان الموضوع بالبساطه دي بس ليه لاء انا سافرت مليون مره قبل كده لكن الي حصل كان غير كل مره و كانت غلطه ......و دي الحكايه ايه الي حصل في الطياره دي قصه مفيش زيها
الزمان\ 17 \10\2004
تالت يوم رمضان افتكر كان كده اليوم ده كان يوم ايه في الاسبوع مش فاكر الساعه خمسه و نص فاضل دقايق على الادان مفيش زحمه اوي على كاونتر الوزن في نوع من الهدوء غريب على مطار القاهره ممكن الكرسي الي مفيش قدامه حد بكل ادب رد الموضف الي على الكاونتر حاضر معلش اصل انا طويل حبتين و مبقدرش اتني رجلي كتير ده غير غلاسة الي ممكن يقعد قدامك و يرجع ضهر الكرسي للاخر و تفضل مزنوق طول الرحله خلصت الكاونتر بهدوء ناحية الجوازات على فين انشاءالله ..الكويت ختمت الجواز ختم المغادره اتغير مطار القاهره من جوه عن الاول بكتير انا دخلتو كتير اوي من و انا طفل بس يفضل في حاجات مبتتغيرش الكافتريا بتاعة صالة السفر زي ما هيه نفس الموضفين و طريقة التعامل و فنجان الشاي الي بخمسه جنيه بس المطار نظف عن الاول بكتير عندي دايما فظول غريب ابص في وشوش الناس الي مسافره و افضل اتمشى و احرق في سجاير زي ما تكون اخر مره حشرب سجاير فيها بس عملو غرفة المدخنين الي بتيقلي الغرض الحقيقي منها انك تبطل سجاير مدخنه بجد عموما انا لازم اعمل شوية تلفونات قبل ما اطلع الطياره حكلم اختي و ناس كتير اطمنهم انو كلو تمام و اني اول ما حوصل حبعتلهم رقمي و كده يعني دماغي بتلف و قلبي مقبوض من السفريه دي .....اصل الحكايه انا عشت في الكويت عمر بحالو بس خلصت ثانوي و على مصر و الجامعه و بعدين اتخرجت و اشتغلت محامي تحت التمرين بميت جنيه عقبال عند كو ودي قصه تانيه خالص المهم اهل العبدلله مقتنعوش ان في مستقبل لاي حد شاب في مصر و عنها صدروني على اول طياره مع ان انا ليه تجارب قبل كده في الكويت و الامارات و اماكن تانيه و دي قصه تانيه خالص المهم متوفقتش اوي بس القرار كان ملزم عشان انا كان في اتفاق بيني و بينهم اني ادي مصر فرصه و قعدت كام سنه و مصر مبينتش اي كرامه مع العبدلله خصوصا اني محامي و دول على قفا مين يشيل و علاقات عاطفيه فاشله و قهواي للفجر و كوفي شوبات غاليه و رخيصه و قربت اشرب بانجو فكانت النتيجه السفر لبلاد البترول بلاد بتركب البورش و الهمر الخلاصه انا اهو في المطار زي العبيط لا عارف جي منين و لا رايح فين بس سلمتي امري لله و خلاص انا في المطار و فاضل نص ساعه و نطلع الطياره لازم اروح ناحية البوابه بس اشرب علبة سجاير الاول و بعدين اروح اركب الطياره و كنت فاكر ان الموضوع بالبساطه دي بس ليه لاء انا سافرت مليون مره قبل كده لكن الي حصل كان غير كل مره و كانت غلطه ......و دي الحكايه ايه الي حصل في الطياره دي قصه مفيش زيها
5 comments:
مكملتش ايه الي حصل في الطياره؟
صح مكملتش ليه؟ومجربتش تبطل سجاير ليه؟دي هي اللي حتخربلك الميزانية
ايمان ...نورتي المدونه يا مليون اهلا بيك يا جميل و الله السجاير دي مصيبه و مشكله معايه و محدش يقولي اراده و غيرو عشان برضه مش نافع القهوه و السجاير دول مصيبه... حكمل الجزء التاني نفسي و الله بس مش عارف الوقت ضيق ...شكرا يا قمر على وجودك
ده انت لازم تفكر وتفكر تبطل سجاير .. بالذات بعد الغرفة الزجاجية الصغيييرة دي،، حقيقي بيبقى شكلكوا وححححححش
وبعدين مستية اعرف باقي القصة .. يالله يا فندم اكتب بقى وبلاش كسل
:)
تحياتي
انا فكرت ابطل سجاير كتييييييييييييييييير بس ما حولتش بصراحه صعب اوي يا جماعه مش سهله حكاية التبطيل دي و الله نفسي انا كملت يا قمر الجزء التاني يا رب يا ولاء يعجبك
Post a Comment