29 March, 2007
ما بين التعديل الدستوري و القمه العربيه و تعادل الاهلي مع المحله
كل التركيز الاعلامي اتجه ناحية التعديل الدستوري في مصر و الي حصل فيه و مش صدفه ان يكون قبل القمه بيوم و بحسبه بسيطه و خبره ابسط في نفسية الشعب المصري تتنقل التغطيه الاعلاميه للقمه العربيه و الناس تنسى و تنشغل بالي بعده و بعدها بيوم تشوف المدرجات و حوار الساعه من التعديل و القمه العربيه للتعادل بين المحله و الاهلي عملية بستره سخونه شديده بعدها بروده جامده و بين الاتنين الناس تاهت و نسيت و خلاص الي عده عدى و الي مش عاجبو عندو البحر الابيض و الاحمر و خليج العقبه و خليج السويس و نهر النيل اي حاجه منهم يشرب للصبح و كل سنه و انتو طيبين و خلاص كده .عموما التعديل اصبح امر واقع و اصبح قانون و الامل الوحيد ان الشعب يحترم نفسو و يتلم و يبطل الي بيعملو و يسيب الناس الي فاهمه تشوف شغلها و يا دار ما دخلك شرفيها ايه يعني عدلو شوية مواد هيه الدنيا خربت عادي كلها 30 او 40 سنه و يجي واحد تاني يعدلها و بكره ربنا يعدلها على الكل ....ربنا كبير انا قصدي على الشعب المفتري طبعا الي مبيعجبوش العجب يعني الناس شايفه المصلحه للشعب الشعب حيفهم اكتر منهم من لقطات التلفزيون المصري الجميل للشارع المصري و كمان من الجزيره شوفت ناس طيبين اوي منهم واحده ست قالت كلمه جميله خالص قالت يعني هوه الريس حيعمل فينا حاجه وحشه اكيد لاء .....بكره تتعدل
Subscribe to:
Post Comments (Atom)
5 comments:
nnn & solo
احمد حصل مشكلة فى البلوج بتاعى ادخل واعملة لو سمحت من فضلك يعنى
لو مش فيها تقالة اوك يامعلمى حبيبتك شربات
لما حد بيكتبلى حاجة مش بتظهر
باى يا معلمى
انا*** ضوء القمر*** ممكن اشترك برأيي؟
المصيبه ان دلوقتي ما فيش حرمه لاي شي يعني سوري في التعبير دلوقتي لو في الحمام ممكن يدخلك واحد يخدك وابقي قابلني بقي لو حد عرف مكانك بعد فتره دي كارثه تعديل المواد بالصوره دي مش كفايه البلد بعوها المصانع الي كانت فاتحه بيوت كتيره من الناس اتباعت ويارايتها لمصرين المصيبه لاجانب وفيهم اسراءلين .والمصايب كلها ماتجيش الا من زوي الحصانات الاعزاء اعضاء مجلس الشعب .فعلا احنا في بلد ديمقراطي *****ضوء القمر المخنوق*****
do2elamar@yahoo.com
do2elamar
انا عارفه اني علقت علي الموضوع دا كتير لاني من اكتر الناس الي هقاسي من التعديل دا مان انا جوايا بركان من الي بيحصل هنا مش بس التعديل لاء حاجات كتير اوي .تعرفوا كل حاجه في الدنيا دي سياسه حتي الاكل والشرب الناس مش بتفكر الا ازاي تشتغل وتعمل فلوس ايا كان الشغل ما اهو لازم ياكلوا ويشربوا وكمان يتجوزا ااااااااااااه الاخيره دي مشكله اي شاب واي بنت سياسه برطه مصرخيرها كتير اوي بس للسياسه فهمين مستوعبين كان بيقولولي زمان ان الريس .....الله يرحمه بقي الي مايعملش فلوس في عهدي مش هيعرف يعمل بعد كدا.ليه الشباب المصري بيسافر ويدبهدل بره وللاسف يلاقي اسوء المعامله ومن عرب زيه؟ سياسه برطه .الناس تعبانه لكن للاسف ما اهو تتكلم علي الاوضاع الي للبلد فيها يا اما تحاول تتشتغل عشان يكلوا ويشربوا ويلبسوا ويعلموا وفي الاخر عيلهم يعدوا من غير شغل .سياسه برطه
الله المعين
Post a Comment