17 May, 2007
الله يا ست
ثومه ام كلثوم دي عشرة عمر معايه من ايام المذاكره بليل و حب المراهقه و ثانويه عامه و قهوة بهلول في روكسي مصر الجديده و قهوة المعاشات ميدان تريومف مصر الجديده و الجامعه في اسكندريه على الكورنيش بليل في عز الشتا و السهر في البلكونه للصبح و الكتاب على نفس االصفحه بالساعات و ايدي تتعب مش من الكتاب من سماعة التلفون ثومه.. بيها يحلى السواقه و السفر و الطريق الطويل وسهر اليالي و البكى على حب راح او حب مولع الدنيا ميحلاش الا بثومه دلوقتي وقت الراحه بعد يوم طويل انك تقلب الراديو تلاقي ثومه بالصدفه بتغني الحب كلو او امل حياتي ...اجمل اغاني الست دلوقتي عندي هيه اغنيتها حتحنطر نفسي اركب الحنطور و اتحنطر بس المشكله في الحنطره نفسها انا مش بعرف اتحنطر نفسي بس يا ريت مكانش يتحنطر كان على عيني الحنطره و الله بس فين بقه الي يعلمني الحنطره
Subscribe to:
Post Comments (Atom)
9 comments:
انا كمان بحبها اوي هي فعلا كل الي يسمعها لازم يكون في حالة حب ..بس مالوا الحنطور جميل كدا وانت معاك واحده علي الكورنيشر وتأذأذوا لب والا انت عشان ما بتعرفش تحنطر حنطر الكل بيحنطر دلوقتي
d.k
علم الحنطره موصلش لسه عندنا
وماالحب الا للحنطور الاول
عودت عينى على حنطرتك
بذمتك مش الحنطور اجمل من الاطلال
سيدة الغناء العربى شفيقه وموسيقار الاجيال سعد الصغير هذا هو الفن المضروب
احنا يا مرحب بيك عندنا حته الفن المضروب اضرب الله يرحم ايامك يا عدويه
neso...لا اسكت الله لكي تعليقا
ثومه... ثومه دي مرتبطه بكل ذكري حلوه ... وخاصة حنطور سعد الصغير... كلمات راقيه أركب الحنطور وأتحنطر .. نسيت لما قالت درجن درجن... مؤثره أوي
ههههههههه
سلاماااااااااااات
ريري.... درجن درجن بتدخل تخلي القلب يقول درجن على طووول نورتيني يا قمر و كرريها كتير
ايه المقارنة الشنيعة دى بقى ده اسمه كلام .. امل حياتى ياحب غالى ميتنسيش
ح اركب الحنطور واتحنطر ..بذمتك انهى واحدة دخلت قلبك .. عجبى ؟
bocycat
الاتنين دخلو قلبي صوت الست و انا راكب
الحنطور على النيل بليل ..هوه في احلى من كده حنطره
Post a Comment