توضيح مهم
لكل اصدقائي و الناس الي دايما بتسعدني و تشرفني و تاخد من وقتها و تقرا حاجه انا كاتبها لكل الناس دي انا مديون ليهم بتوضيح عن البوست الي فات ...يا بني ادمين انا و الحمدلله مؤمن بالله و مؤمن انو فضلنا على كل خلقه و بحمد ربنا على نعمو و بخاصه نعمة العقل التي انعم بيها علينا و فرقتنا عن باقي خلقه من الدواب...البوست الي فات بتاع لو كنت حمار ده كان تعبير عن احساس و خرج مني على شكل موضوع القصد منو التنفيس و مش التمني اني اكون حمار او اني اجرح في خلقة ربنا او اي حاجه من الحاجات الي سمعتها في التعليقات او الي جتلي على الاميل .. و اعتقد ان انا مقولتش اي حاجه تمس دين او عقيده و الله اعلم مافي الصدور انا مش محتاج ابرر نفسي لحد لكن انا بقدر كل انسان خد من و قتو و شرفني بزيارته و بعتذر اذا حد فهم حاجه انا مقصدتهاش انا نفسيتي كويسه الحمدلله و مش مدايق من حد او اي حاجه دي كانت مجرد فضفضه و الله
........................................
بيان للمجلس الاعلى للحمير
السيد البني ادم / انتظار مؤقت
بعد النظر في طلبك بالانتماء الي فصيلة الحمير نود ان نعلمك يا بني ادم ان طلبك مرفوض انت و اي بني ادم تاني عشان باختصار احنا مش حنرمرم
و شكرا
27 comments:
طب مهو طبيعي أنك بتفضفض في الفضاء
مفتكرش يعني عدم المؤاخذة يعني عدم المؤاخذة كنت بجد تتمنى تكون مش قادرة اقولها عدم المؤاخذة بجد.. ولا إيه
:)
عموما كثر الإحساس مشكلة اليومين دول لكن متزعلش عشان رقة القلب حتى على دمعة طفل مشرد متعرفوش أو حد بيلطم في نشرة الأخبار نعمة من ربنا تخليك دايما تقول يا رب ارحمني وارحم باقي العبيد يا رب
:)
اديك قاعد وسطنا غصب عنك سمعني حرمت اقول كده ثاني
سكينه
حرمممممممممممممممممت اقول كده تاني
اوعى تحرم تقول اى حاجة
حتى هنا كمان هيبقى فية قيود قل اللى عاوز تفهم للناس بمنطقك واسلوبك و كل منا يفهم قصدك بفكرة ومن هنا تأتى الاراء بثمارها فهى تلفت نظر الكاتب الى اشياء لم تكن فى حسبانة اصلا
هههههههههههههه
هم اللي رفضوا في الآخر
شفت
جت من الحمير ولا جاتش منك
هههههههههه
سلامااااااااااااات
اولا انت شرفتني جدا و ثانيا البوست بتاعك جميل جدا جدا و انا عن نفسي قريته كذا مرة....متندمش على بوست كتبته كل حاجة بتكتبها بتعبر عن احساس اوحالة او فكرة اللي يوصله احساسك بيفهمه و اللي مبيوصلوش بيعارضه..و انت كتبته كنوع من الكوميديا السوداء لا اعتراض على خلقة ربنا ولا قصدك "لو" اللي بتفتح عمل الشيطان ولا ليه علاقة بالدين اصلا دي فانتازيا....
على فكرة حلو كمان بتاعت المجلس الاعلى للحمير..
انا كنت كاتبة حاجة شبها كدة بس سمكة قرش....
ربنا يوفقك
الطائر الحزين
و الله يا صديقي حرموني انا مش حعمل حد يكفر اهلي
شكرا على كلامك الي بيطمن قلبي انو حد فاهم وعارف وحاسس
.................
reri
حته همه مش قابلين بينا شوفتي الخيبه ...انتي دايما منوراني اشكرك على مرورك
....................
نقطة ميه
ده كلو ميجيش نقطه في بحر مدونة سيادتكم اشكرك بشده على كلامك المشجع الي بيبل ريق الواحد و بيحسسو انو في امل حد يفهمو و نفهمو ربنا ما يحرمني من مرورك عليه و لات يقطع الميه من عندي و عندك
طيب لوحبيت تكون عصفورة او كروان كان حيبقى ايه التعليق المشكلة مش فى المسمى .. المهم نفهم ايه اللى ورا المعنى اللى ورا المسمى وانا شخصيا فهمت انت عايز تقول ايه ماحنا فى الهوى سوا .. عموما اكتب اللى بتحس به وبالطريقة اللى تريحك ولا يهمك .. سلام
اعتقد اني وصلي المعنى ايل كنت تقصده من البوست .. وهو شعورك بالعجز والامتهان ادام امور كتير حولينا ..
عموما .. ما تزعلش،، وافضل برضه اكتب .. بس بلاش والنبي حكاية الحمير دي
;))
تحياتي
على فكرة البوست كان جامد جدا وانت طلعت كبت كان موجود جوه كل البلوجرز وهو ان الواحد مش عاجبه الوضع دلوقتى لكن ده هيستمر دائما وابدا زى الوباء كده كان زمان الكوليرا مثلا ولقولها مصل لكن كل فترة بيطلع اوبئة جديدة وبيكونوا عاجزين انهم يلاقولها مصل زى الايدز وانفلونزا الطيور دلوقتى وعقبال ميلاقو هيطلعلهم حاجة جديدة
المجتمع كده برده دايما وابدا هيبقى فيه حلو وووحش
وعلى فكرة البوست لو مكنش حلو مكنش علقلك كل الناس الحلوين دول
بالتوفيق واوعى تلغى حاجة طلعتها بارادتك - كون واثق من خطواتك رغم أنف الجميع
سلامى
انا تانى
انا عاجبانى قوى كلماتك دى
إذا قررت يوما أن تترك حبيبا فلا تترك له جرحا فمن إعطانا قلبا لا يستحق إن نغرس فيه سهما
ياريت كل اللى يحب يطبق ده
سلام وتحيات
اسمحلى يا انتظار ارد انا عارفة انك هتسمحلى ارد dobaعلى
د
اكتر الناس بتجرح فى حبها الناس هى اكتر ناس بتعرف تعتذر
ده قرار اخير من فصيلة الحمير
شوف كده
ما تعرفش تتوسط عندهم !؟
bocycat
اشكرك على مرورك لو قولت اني عايز اكون عصفوره كانو ضربوني بالنار لو شافوني ...شكرا على دعمك ليه و ربنا ما يحرمني من دعم كل البلوجرز
................
ولاء
حاضر يا ستي بلاش الحمير بس انتي دايما عدي نوريني و متغبيش نازلين امتى الاجازه؟ يا مسهل
.........................
doba
يا دايما رافعه معنواياتي دائما و ابدا و الله البوست مايبقاش ليه طعم الا بتعليقك يا هوبه ...ربنا يخليكي دايما للبلوجرز الغلابه الي زي حلاتي و تحياتي ليكي
..............
نيسو
و الله زمان ايه الغيبه دي
مخصماني ليه ...تحياتي و ردي براحتك محدش غريب هبه منينا و علينا
..................
ياسر سليم
اهلا و سهلا بيك و شكرا على مرورك ...صدقني حاولت بس هما رفضو نوهائي و قالو مافضلش الا البني ادمين ...تحياتي و كرر الزياره
هههههههههههههههه
جميل أوي البيان ده
رفعت من روحنا المعنوية
تحياتي
يعني انت اللي بينطبق عليه المقولة الشهيرة
رضينا بالهم والهم مش راضي بينا
تحياتي واحتراماتي
الحمد لله انك حددت موقفك والا كنت هتدخل في متهات كتييييييييرة ميرسي لتشريفك لمدونتي
shermen
نورتيني يا قمر معنوايتنا في السما فووووووق دايما
شكرا لمرورك
................
A.SAMIR
شوفت يا سيدي حته همه مش راضين بينا ..شكرا على زيارتك و يارب دايما اشوفك منور عندي
..................
قلوب حائره
ده شرف ليه يا فندم و انا و الله ما كان قصدي كل القلق ده و شكراا على المرور. تحياتي
انت يا عم انت انا فيه جنبنا راجل بتاع فول وعنده حمار حلو كده وعلاقتي بيه كويسه-الراجل طبعا مش الحمار-يعني ممكن اخليه يكلمه يتوسطلك تاني-الحمار المره دي - اما لو كنت لغيت الفكره وده احسن فنصيحتي ليك انك متيأسش فيه كتير اسما بني ادمين لكن فعلا هم حمير يعني المهم هو فعلك مش اسمك عشان كده ممكن من بكره الصبح تبقى حمار هايل زي انا ما ناوي اعمل كده عشان اريح دماغي
تحياتي على بوستك الجميل واعتقد انك فعلا مقصدتش انك تعيب خلقة ربنا لأن كل كلامك كان متعلق بالأخلاق مش بالخلقه
سلااااااااااااااااااااام
ايها السادة البنى آدمين..جاءنا البيان التاااالى
انت اتعديت من مجلس الشعب واللا ايه
دانت بقيت منافس لمحمد هنيدى فى قناة الحكيكة المرة:))))
بس كويس منك اللفتة دى.. دا كفاية انه يوضح انك بنى آدم بمعنى الكلمة:)
انما قولى هنا
احنا بنكتب التعليقات لمين لما انت ماردتش علينا فى البوست اللى فات
لالالالالالالالالالالالالالالالالالالالالالالا
امال فين التواصل مع الجمهور
ياللا عموما اهى ازمة وعدت
تحياتى ليك وشكرا لسؤالك
الشنكوتي الكبير
..............
هوه سؤال محيرني انت ايه علاقة ببتوع الفول بالضبط و حاقد عليهم ليه كده ...انت فين و فين الجديد يا باشا
.............
SoRsaRaa
يا بنتي ارد فين في البوست الي فات كان ناقص شويه و يهدر دمي و بعدين انا متواصل مع الجمهور دايما ...هوه انتي قومتي بالسلامه حتفوقي عليه حمدالله على سلامتك يا قمر
على فكره احمد مطر سابق جدا فى الموضوع ده لما قال
قررت الدول الكبرى
تغيير الادوار
قد شرعت فى عزل الوالى
واقرت تعيين حمار
قد نهقت كل حمير الدنيا باستنكار
ان حموريتنا تابى ان نصبح جندا للاستعمار
ههههههههههههههههههه
يا سيدى فاهمين والله
وعادى بقى بس هو الموضوع يمكن جذبنا شويه
بس بيان المجلس الاعلى ده تحفه صحيح
مش هيرمرموا !!!!!!!!
ماشى يا عم
امال انت فين جديدك؟
مستنينك
بلاش تخلينا ننتظر كتير
ويلا دعوه على الماشى
للقاء المدونين فى بورسعيد
واتمنى انك تدخل مدونتى وتتفاعل
تحياتى
شوفت يا سيدي أهو الحمير هم اللي رفضوك .. يعني لو كنت صبرت شوية ما كنتش احتاجت تقول الكلمتين دول
إيه يا عم الحج ما هو توفيق الحكيم كتب عن الحمير من زمااااااااااان وكتير قوي .. واللا يعني هي الكحكة في إيد اليتيم عجبة
إنت اكتب اللي يعجبك وانا اقرأ اللي يعجبني
ايه التطور الرهيب ده؟؟؟....جميل جميل
من حقي اهرتل
شوفت ان مجبتش حاجه من عندي ...شكرا على زيارتك
.............
شيماء الجيزي
انا عجبني اوي موضوع اللقاء ده و حتفاعل انشاءالله ..شكرا على مرورك
....................
darsh
اشكرك على مرورك و يارب دايما ...نورتيني
...............
camera_girl
و الله انت الي جميل ..شكرا على زيارتك الحلوه دي يا جميل
ايه ياسيدى انت فين بقالنا كتير مشفناش ابداعاتك اوعى تكون اعتزلت ؟؟؟
بص انا قرات الموضوع اللي فات بس اه اللي يقراه يقول انك فعلا بتقول انك تتمني تبقى كده
بس اعتقد ان الاعمال بالنيات وحتى لو غلطت كل بني ادم بيغلط ومش من حق حد يلومك قبل ما يعرف انت قصدك ايه من الكلام ده انا برده كان عندي تعليق على كلمه كتبتها في بوست وواحده علقت عليها انا ولا غيرتها ولا بررتلها انا قلت كده ليييه؟؟؟؟
بص كويس انك وضحت وجهة نظرك وعشان كده انت ولا تفكر في اكلملا اللي اتقال في البوست اللي فات تفكر في اللي هنا بس بعد اما الكل فهمك حقيقي
Post a Comment